Mae’r economi greadigol wedi dod yn gonglfaen i economi Cymru. Mae dros 15% o fusnesau yng Nghaerdydd bellach yn y diwydiannau creadigol ac yn y blynyddoedd diwethaf, mae Prifddinas-Ranbarth Caerdydd (CCR) wedi tyfu i fod y trydydd cynhyrchydd ffilm a theledu mwyaf yn y DU, mae hyn yn un o bob wyth o holl swyddi newydd y DU ym maes Ffilm a Theledu. 

Yng Nghymru, ystyr cynefin yw ‘ymdeimlad o le’ sy’n crynhoi hanes, hunaniaeth, tirwedd a bywyd stryd. I ni, mae Media Cymru yn endid sy’n diffinio cynefin newydd lle mae gweithgaredd economaidd yn creu swyddi ac ymdeimlad o hunaniaeth, gan gynnig addewid o gynaliadwyedd mwy amgylcheddol, cyrhaeddiad byd-eang, cydraddoldeb, amrywiaeth a chynhwysiant a thwf economaidd cynaliadwy.