{"id":717,"date":"2023-05-02T15:24:01","date_gmt":"2023-05-02T14:24:01","guid":{"rendered":"https:\/\/media.cymru\/cym\/copy-of-investing-180000-of-seed-funding-into-innovation-projects\/"},"modified":"2023-05-05T10:39:05","modified_gmt":"2023-05-05T09:39:05","slug":"media-cymru-yn-buddsoddi-180000-o-arian-sbarduno","status":"publish","type":"post","link":"https:\/\/media.cymru\/cym\/media-cymru-yn-buddsoddi-180000-o-arian-sbarduno\/","title":{"rendered":"Media Cymru yn buddsoddi \u00a3180,000 o arian sbarduno mewn prosiectau arloesi"},"content":{"rendered":"

Bydd gweithwyr llawrydd a busnesau bach a chanolig yng Nghymru yn elwa ar arian sbarduno i gyflawni gwaith ymchwil, datblygu ac arloesi camau cynnar.\u00a0\u00a0<\/span>\u00a0<\/span><\/h3>\n

Rydyn ni wedi dyfarnu arian i ddeunaw o brosiectau sy\u2019n archwilio ystod o syniadau newydd, gan gynnwys ym meysydd cynhyrchu rhithwir (VP), technolegau trochol, a phrofiadau rhyngweithiol.\u00a0\u00a0<\/span>\u00a0<\/span><\/p>\n

Mae Cronfa Sbarduno Media Cymru yn hwyluso ymchwil, datblygu ac arloesi ar gyfer creu cynhyrchion, gwasanaethau a phrofiadau newydd yn sector y cyfryngau. Bydd gan y garfan a ariennir rhwng tri a phum mis i gwblhau eu prosiect, gyda chymorth y partneriaid PDR a Sefydliad Alacrity.\u00a0<\/span>\u00a0<\/span><\/p>\n

Meddai\u2019r Uwch Gynhyrchydd Ymchwil a Datblygu a Rheolwr Ariannu Media Cymru, Lee Walters: \u201cMae carfan sbarduno gyntaf Media Cymru yn cynnwys amrywiaeth gyffrous o brosiectau a fydd nid yn unig yn cyfoethogi ac yn amrywio\u2019r sector wrth i ni symud tuag at dirlun cyfryngau mwy cynhwysol a sero net, ond byddan nhw\u2019n gwella dealltwriaeth pobl o Gynhyrchu Rhithwir, yn archwilio technolegau a phrofiadau trochol, yn gwella profiad dysgwyr o bell, yn creu cyfleoedd newydd ym maes eChwaraeon, ac yn pontio\u2019r bwlch rhwng asedau prop digidol a ffisegol.\u00a0<\/span>\u00a0<\/span><\/p>\n

\u201cRwy\u2019n edrych ymlaen i weld pa syniadau mae\u2019r gweithwyr llawrydd a\u2019r busnesau bach a chanolig yma o Gymru yn eu datgelu yn ystod eu prosiectau ymchwil a datblygu camau cynnar.\u201d\u00a0<\/span>\u00a0<\/span><\/p>\n

Mae\u2019r prosiectau llwyddiannus a gafodd arian sbarduno ym maes cynhyrchu rhithwir yn cynnwys: ymchwil i sut gall ymagweddau goleuo traddodiadol a thechnolegau newydd uno i greu cynnyrch cynaliadwy yn y dyfodol; archwilio pa mor gyflym y gellir cynhyrchu cynnwys o ansawdd ffilm gan ddefnyddio cynhyrchu rhithwir; datblygu datrysiad ystafell drochol sy\u2019n gynaliadwy yn fasnachol ac yn broffidiol yn gymdeithasol, sy\u2019n lleihau\u2019r rhwystrau mynediad at greu a phrofi profiadau trochol a rennir.\u00a0<\/span>\u00a0<\/span><\/p>\n

Mae prosiectau eraill a ariannwyd yn archwilio cynhyrchu eChwaraeon dwyieithog yng Nghymru, platfform hyfforddi darlledu aml-gamera o bell, defnyddio deallusrwydd artiffisial (AI) i gefnogi\u2019r gofod cerddoriaeth catalog a phrofiadau sain trochol mewn gofodau a chymunedau cwiar.\u00a0<\/span>\u00a0<\/span><\/p>\n

Bydd prosiect un o ymgeiswyr llwyddiannus y gronfa sbarduno, Mo Jannah, yn archwilio defnyddio realiti rhithwir (VR) mewn cyfiawnder adferol ac adsefydlu yng nghyd-destun cyfiawnder troseddol, gan ddatblygu teclynnau dysgu cymdeithasol mewn lleoliadau addysgol rhyngweithiol.\u00a0\u00a0<\/span>\u00a0<\/span><\/p>\n

Dywedodd Mo: \u201cDw i\u2019n llawn cyffro o gael cyfle i fod yn rhan o\u2019r rhaglen gyffrous yma. Mae fy syniad yn canolbwyntio ar greu teclyn dysgu cymdeithasol y mae modd ei addasu a\u2019i ddefnyddio fel adnodd addysgol, sy\u2019n gallu ateb anghenion unigryw y diwydiant targed.\u201d<\/span><\/p>\n

Bydd ymgeisydd arall sydd wedi llwyddo i gael arian sbarduno, Angela McMillan, yn defnyddio technolegau aml-gyfrwng trochol mewn rhaglenni therapi lleddfu gorbryder i bobl ifanc a\u2019u teuluoedd.<\/p>\n

Yn \u00f4l Angela: \u201cRwy\u2019n falch iawn o fod yn rhan o brosiect Arian Sbarduno Media Cymru er mwyn cael cyfle i archwilio sut y gellid defnyddio technoleg drochol mewn rhaglenni therapi, i helpu pobl ifanc ddeall eu profiadau a lleddfu gorbryder.\u201d<\/p>\n

Gyda\u2019i gilydd, bydd prosiectau llwyddiannus y gronfa sbarduno yn cyfrannu at adeiladu diwydiant cyfryngau mwy teg, mwy gwyrdd, sy\u2019n cael mwy o gydnabyddiaeth ryngwladol ac sy\u2019n fwy economaidd gynaliadwy yng Nghymru.\u00a0<\/span>\u00a0<\/span><\/p>\n

Cronfa Sbarduno Media Cymru yw\u2019r gronfa gyntaf sydd ar agor i\u2019r sector fel rhan o\u2019r Ffrwd Arloesedd – sef cyfres o alwadau ariannu sy\u2019n digwydd drwy\u2019r flwyddyn. Bydd y buddsoddiad hwn yn rhoi cyfle i bobl greadigol yng Nghymru ddatblygu syniadau sydd ar gamau cynnar iawn at fod yn brosiectau wedi\u2019u dilysu\u2019n llawn, a fydd o fudd i sector y cyfryngau yng Nghaerdydd, Cymru a\u2019r tu hwnt.\u00a0\u00a0<\/span>\u00a0<\/span><\/p>\n

Ar \u00f4l i\u2019r prosiectau a gafodd gyllid sbarduno ddod i ben, gallai ymgeiswyr wneud cais am gyllid datblygu o hyd at \u00a350,000, a fydd yn lansio ym mis Gorffennaf 2023. Bydd y cyllid datblygu yn targedu prosiectau ymchwil, datblygu ac arloesi sy’n dangos potensial clir ar gyfer cynnyrch neu wasanaeth diriaethol. Os ydych chi\u2019n weithiwr llawrydd neu\u2019n fusnes bach a chanolig yng Nghymru sydd \u00e2 diddordeb yn y gronfa ddatblygu, ewch i: <\/span>https:\/\/media.cymru\/projects\/innovation-pipeline\/<\/span><\/a>\u00a0<\/span>\u00a0<\/span><\/p>\n

Prosiectau sydd wedi’u hariannu:<\/strong><\/p>\n