Deallusrwydd Artiffisial Ymarferol ar gyfer y Gweithle: Helpu sefydliadau i leihau gweinyddiaeth, gwella llif gwaith, a gweithio’n fwy effeithiol

Manylion y Cwrs

Mae ‘Deallusrwydd Artiffisial Ymarferol ar gyfer y Gweithle’ yn helpu sefydliadau sector sgrin ledled Cymru i gymryd eu camau cyntaf i mewn i AI cynhyrchiol mewn ffordd ddiogel, â chymorth ac ymarferol. Wedi’i gyflwyno dros bedair sesiwn ar-lein naw deg munud o hyd, mae’r hyfforddiant yn cyflwyno cyfranogwyr i robotiaid sgwrsio AI cynhyrchiol trwy enghreifftiau perthnasol ac ymarferion ymarferol wedi’u llunio gan senarios byd go iawn o’r cyfryngau a’r diwydiannau creadigol.

Ochr yn ochr â’r hyfforddiant wythnosol, bydd pob sefydliad yn derbyn hyd at 8 awr o ymgynghoriaeth un-i-un gydag arbenigwr AI cynhyrchiol. Mae’r sesiynau hyn yn helpu timau i archwilio cyfleoedd, profi syniadau, a chymhwyso offer i’w llifau gwaith penodol.

I ddyfnhau dealltwriaeth a helpu i arwain cynllunio hirdymor, mae sefydliadau hefyd yn cymryd rhan mewn arolygon a chyfweliadau drwy gydol y rhaglen. Mae’r mewnwelediadau hyn yn cael eu cyfuno i mewn i adroddiad cwmni unigol, gan grynhoi canfyddiadau allweddol, ffyrdd newydd o weithio a ddatblygwyd, ac argymhellion y gellir eu gweithredu.

Mae pob cyfranogwr hefyd yn dod yn aelodau sefydlu o Rwydwaith Hyrwyddwyr, cymuned ddysgu gan gymheiriaid sy’n cynnig cefnogaeth barhaus, gwe-seminarau misol, a rhannu gwybodaeth draws-sector.

Beth sydd wedi’i gynnwys

Mae ‘Deallusrwydd Artiffisial Ymarferol ar gyfer y gweithle’ yn rhoi pecyn cymorth cyflawn i sefydliadau sy’n cymryd rhan, gan gyfuno hyfforddiant ymarferol, ymgynghoriaeth arbenigol a chydweithio â chyfoedion. Fel rhan o’r rhaglen, bydd pob cyfranogwr yn derbyn:

Cwrs Hyfforddi Ar-lein Pedair Wythnos 

Cyflwyniad ar gyfer dechreuwyr i AI cynhyrchiol a gyflwynir trwy bedair sesiwn ar-lein naw deg munud o hyd. Mae’r sesiynau’n rhyngweithiol ac wedi’u hadeiladu o amgylch senarios byd go iawn sy’n berthnasol i’r sector cyfryngau.

Casglu Arolygon a Data 

Mae pob sefydliad yn cymryd rhan mewn arolwg strwythuredig a chyfweliad byr. Mae rhain yn helpu i nodi heriau, cyfleoedd ac yn llunio’r gefnogaeth y mae pob cwmni’n ei derbyn.

Wyth Awr o Ddatblygu ‘Ffyrdd o Weithio’

Mae pob sefydliad yn derbyn 8 awr o ymgynghoriaeth un-i-un gydag arbenigwr AI cynhyrchiol. Gyda’ch gilydd, byddwch yn archwilio cyfleoedd go iawn, yn dylunio ffyrdd newydd o weithio ac yn dechrau eu hymgorffori yn eich gweithrediadau busnes.

Mynediad i’r Rhwydwaith Hyrwyddwyr

Mae pob cyfranogwyr yn dod yn aelodau sefydlu ‘Rhwydwaith Hyrwyddwyr’ Media Cymru Gen AI, cymuned ddysgu gan gymheiriaid sy’n cynnig gwe-seminarau misol, cydweithio traws-gwmni a mewnwelediadau sector.

Adroddiad Cwmni Unigoledig 

Ar ddiwedd y rhaglen, mae pob sefydliad yn derbyn adroddiad pwrpasol sy’n crynhoi canfyddiadau’r arolwg a’r cyfweliadau, y ffyrdd newydd o weithio wedi’udatblygu, eu heffeithiau posib a’r camau nesaf a argymhellir ar gyfer defnyddio AI yn y dyfodol.

Pwy yw’r hyfforddwr?

​Mae Matt Munslow yn hyfforddwr ac yn ymgynghorydd sy’n gweithio i Stable, cwmni technoleg wedi’i leoli ym Mhontcanna, Caerdydd.

• Mae’n Hyfforddwr Ardystiedig Microsoft a threuliodd 10 mlynedd yn gweithio i Microsoft yn y DU fel ymgynghorydd sy’n arbenigo mewn cydweithio a chynhyrchiant.
• Yn ddiweddar, bu’n gweithio gyda’r Gwasanaethau Cymdeithasol yng Nghymru i werthuso parodrwydd 22 awdurdod lleol Cymru ar gyfer defnyddio AI cynhyrchiol.
• Ef yw cyflwynydd sianel Collaboration Coach ar YouTube, gan helpu dros 90,000 o danysgrifwyr, gyda miliynau o weliadau, gyda newyddion a fideos tiwtorial sy’n cefnogi cynhyrchiant yn y gwaith.
• Mae bellach yn dysgu cwsmeriaid sut i ddefnyddio AI cynhyrchiol yn y gwaith i ddatrys problemau a gwella eu gwaith o ddydd i ddydd.

Manylion Cyflwyno

Sut mae hyn yn gweithio

Mae’r rhaglen hon wedi’i hariannu’n llawn gan Media Cymru ac fe’i cyflwynir mewn partneriaeth â Stable.

Bydd y pedair sesiwn wythnosol 90 munud yn cael eu cyflwyno ar-lein gyda Microsoft Teams. Bydd dim mwy na 20 o leoedd hyfforddi ar gyfer y rhaglen hon (2 fesul sefydliad).

Pwy all wneud cais?

Mae’r cwrs hwn ar agor i unrhyw gwmni yn y sector sgrin yng Nghymru neu sydd wedi’u lleoli yng Nghymru sy’n gweithio yn y sector cyfryngau. Bydd pob cwmni/sefydliad yn gallu anfon dau o weithiwr i gymryd rhan yn yr hyfforddiant. Yn ddelfrydol, dylai’r ddau weithiwr fod â rolau gwahanol o fewn y cwmni/sefydliad, er mwyn gwneud y mwyaf o’r cyfleoedd i’w cymhwyso.

Mae’r cwrs hwn ar gyfer y rhai sydd eisiau deall manteision posib o weithio gydag offer AI wrth ddeall pa fath o dasgau y mae’r offer hyn fwyaf addas ar eu cyfer. Bydd y cyfnod ymgynghori/mentora yn cefnogi cymhwyso offer i lif gwaith penodol i’r cwmni/sefydliad.

Pryd a Lle?

• Y dyddiad cau ar gyfer ceisiadau yw 18:00 ar ddydd Sul 10fed Mai 2026.
• Bydd ymgeiswyr sy’n llwyddiannus yn cael gwybod erbyndydd Gwener 15fed Mai 2026.

Rydym yn gofyn i chi sicrhau eich bod yn gallu ymrwymo i’r holl ddyddiadau hyfforddi ar-lein canlynol:

• Dydd Mawrth 2il Mehefin 2026 – 10:30 i 12:00
• Dydd Mawrth 9fed Mehefin 2026 – 10:30 i 12:00
• Dydd Mawrth 16^egMehefin 2026 – 10:30 i 12:00
• Dydd Mawrth 23^ain Mehefin 2026 – 10:30 i 12:00

Ac yn gallu ymrwymo i 8 awr arall o waith i gael ei drefnu gan eich sefydliad a’r hyfforddwr/ymgynghorydd.

Mynediad a Hygyrchedd

Os oes gennych unrhyw ofynion penodol a fyddai’n gwneud y cais hwn yn fwy hygyrch i chi (fel cyngor, cymorth ysgrifennu neu ddarllen) neu os hoffech gael y cais hwn mewn fformat arall (fformat fideo neu sain, naratif sain, ffont mawr, testun plaen, neu iaith arall) e-bostiwch media.cymru@southwales.ac.uk

Unrhyw gwestiynau?

Os oes gennych unrhyw gwestiynau, cysylltwch â: media.cymru@southwales.ac.uk