Sgiliau a hyfforddiant

Cyfleoedd hyfforddi a datblygu sgiliau sydd i ddod:

Hanfodion Rheoli Data

Sut beth yw rheoli data? Beth allwn ni ei wneud yn y sector sgrîn Cymreig, nid yn unig i drefnu’n hunain yn fwy effeithiol ond i sicrhau bod gennym y gallu a’r capasiti i ymdrin â therabeitiau o ddata? A yw pob datrysiad cwmwl neu becyn meddalwedd penodol yn addas ar gyfer pob cynhyrchiad?

Yn y sesiwn hanner diwrnod hon ar HANFODION RHEOLI DATA, nod Gorilla Academy yw symleiddio’r derminoleg a’r dechnoleg (ond mae’n rhaid ei drafod – sori!) ac edrych ar rai o lifoedd gwaith sydd wedi hen ennill eu plwyf i reoli eich data, o’r pwynt casglu i’r pwynt cyflwyno. Byddant hefyd yn eich galluogi chi i ofalu am un o’ch asedau mwyaf gwerthfawr.

Fe fyddwn ni’n trafod egwyddorion storio cynhwysfawr, confensiynau enwi a mathau o ddatrysiadau storio sy’n addas ar gyfer pob math o ffeil, tra’n edrych ar gostau a’r gwedd werdd ar reoli data.

Mae’r cwrs hwn ar gyfer cynhyrchwyr, cynorthwywyr cynhyrchu, rheolwyr prosiect, cynorthwywyr/hyfforddeion camera, camera, cynorthwywyr golygu – mae’n cynnwys bron pob math o ffeil, felly gall fod o fudd i bob math o rôl.

Rhagor o wybodaeth…

Sut i fod yn ‘Greenlancer’

Mae eco-bryder ac effeithiau newid yn yr hinsawdd yn parhau i esblygu, ac ni fu erioed yn bwysicach i weithwyr llawrydd fabwysiadu ac ymgorffori arferion cynaliadwy yn eu bywydau bob dydd. Mae rhedeg busnes llawrydd mwy gwyrdd hefyd yn golygu mynd i’r afael ag allyriadau personol megis Trafnidiaeth ac Ynni, Deunyddiau, Bwyd a Gwastraff ac un o wersi mwyaf gwerthfawr y sesiwn fydd ennill gwell dealltwriaeth o’ch ôl troed carbon a sut y gallwch ei leihau.

Mae Sut i Fod yn ‘Greenlancer’ yn ganllaw deniadol a syml gan Picture Zero sy’n cyflwyno syniadau ar sut y gallwch ganolbwyntio mwy ar yr amgylchedd a bod yn fwy parod i gyllido ar lefel bersonol.  Mae’r canllaw yn awgrymu sut y gallwch dyfu’ch busnes, eich gwerth a’ch rhwydwaith trwy wahaniaethu’ch hun a denu cyflogwyr sydd hefyd yn gwerthfawrogi cynaliadwyedd.

Bydd pob sesiwn ar-lein yn cael ei chynnal ar-lein ar ddyddiau Mercher rhwng 1000-1300.

Rhagor o wybodaeth…

Rhaglen ‘Reset’ ar gyfer Rhieni sy’n Gweithio

Rydyn ni’n gwybod bod rhieni yn y sector sgrin yn wynebu llawer o heriau ac rydyn ni wedi partneru â From Another i ddod â’r wybodaeth a’r offer sydd eu hangen arnoch i lunio’r atebion sy’n iawn ar eich cyfer chi.

Mae From Another yn arbenigwyr mewn rhianta a gweithio a ffyrdd newydd o weithio. Gan ddefnyddio’r data diweddaraf o sgyrsiau gyda channoedd o rieni, rheolwyr ac arweinwyr, maen nhw’n gweithio’n fanwl ar y cysyniadau maen nhw’n gwybod fydd yn gwneud gwahaniaeth. Mae’r rhaglen ‘RESET’ yn darparu’r cyfan sydd ei angen arnoch chi i ddilyn y cyfeiriad iawn i chi, eich teulu, a’ch swydd.

Mae’r hyfforddiant hwn am ddim.

Gweld mwy a gwneud cais…