Prosiect Trochi Cymreig Artio wedi’i Ddewis ar gyfer Marchnad Drochol Gŵyl Ffilm Cannes 2026

Llun: Neil R Thomson

Mae Artio, profiad trochi Cymreig arloesol, wedi’i ddewis gan Media Cymru i’w gyflwyno ym Marchnad Drochol Gŵyl Ffilm Cannes 2026, gan osod arloesedd creadigol Cymru yn gadarn ar y llwyfan byd-eang.

Wedi’i ddatblygu drwy gydweithrediad rhwng Media Cymru ac Outernet London, mae Artio yn fyth-dirwedd gerddorol ryngweithiol sy’n ail-ddychmygu chwedl Arthur drwy lens ecolegol a ffeministaidd. Gan gyfuno cerddoriaeth wreiddiol, adnabod ystumiau a delweddau trochi, mae’r profiad yn gwahodd cynulleidfaoedd i gyd-greu myth byw — wedi’i lunio mewn amser real drwy symudiad a sain.

Dan arweiniad y crëwr a’r cynhyrchydd Ashley McAvoy a’r cyfarwyddwr creadigol Klaire Tanner o CreuTech Ltd, mae’r prosiect yn dod â thîm amlddisgyblaethol o artistiaid a thechnolegwyr ynghyd. Ymhlith y cyfranwyr mae’r cantorion Alys Williams a Steve Balsamo, y dramodydd Tracy Harris, y cynhyrchydd Matt Eaton, a’r bardd Owain Rhys, enillydd Coron yr Eisteddfod.

Bu Media Cymru, sy’n cefnogi ymchwil, datblygu ac arloesi Outernet ar draws y sectorau ffilm, teledu, gemau a chyfryngau trochi, yn partneru ag Outernet London yn 2025 i ariannu prosiectau creadigol beiddgar ar gyfer un o amgylcheddau cyfryngau amser real mwyaf datblygedig y byd. Dewiswyd Artio fel un o ddau brosiect a gynlluniwyd i wthio ffiniau creadigol a thechnegol wrth arddangos dyfodol adrodd straeon Cymreig.

Dywedodd Gavin Johnson, Cynhyrchydd Ymchwil a Datblygu Media Cymru: 

“Mae’r prosiect hwn wedi bod yn enghraifft wych o fusnes creadigol yn arloesi. Mae Media Cymru yn bodoli er mwyn rhoi hwb i arloesedd, o’r syniad hyd at ei roi ar y farchnad. Mae CreuTech wedi manteisio i’r eithaf ar y cyfle hwnnw – gan gynnal ymchwil a datblygu’n gyflym i greu Artio gyda thîm hynod dalentog, gan ei arddangos i’r cyhoedd yn Outernet, Llundain ar un o’r setiau sgrin mwyaf datblygedig yn y byd ac mae ganddyn nhw ddau gyfansoddiad gwreiddiol hefyd. Byddan nhw nawr yn mynd ag Artio i Farchnad Ymdrochol y Marché du Film yn Cannes i chwilio am gyfleoedd dosbarthu newydd yn y sector ymdrochol. Mae Klaire ac Ashley wedi rhoi hwb mawr i’r gwaith hwn, ac rwy’n edrych ymlaen at gael gweld i ble bydd Artio yn mynd nesaf.”

Mae Artio, profiad trochi Cymreig arloesol, wedi’i ddewis gan Media Cymru i’w gyflwyno ym Marchnad Drochol Gŵyl Ffilm Cannes 2026, gan osod arloesedd creadigol Cymru yn gadarn ar y llwyfan byd-eang.

Wedi’i ddatblygu drwy gydweithrediad rhwng Media Cymru ac Outernet London, mae Artio yn fyth-dirwedd gerddorol ryngweithiol sy’n ail-ddychmygu chwedl Arthur drwy lens ecolegol a ffeministaidd. Gan gyfuno cerddoriaeth wreiddiol, adnabod ystumiau a delweddau trochi, mae’r profiad yn gwahodd cynulleidfaoedd i gyd-greu myth byw — wedi’i lunio mewn amser real drwy symudiad a sain.

Dan arweiniad y crëwr a’r cynhyrchydd Ashley McAvoy a’r cyfarwyddwr creadigol Klaire Tanner o CreuTech Ltd, mae’r prosiect yn dod â thîm amlddisgyblaethol o artistiaid a thechnolegwyr ynghyd. Ymhlith y cyfranwyr mae’r cantorion Alys Williams a Steve Balsamo, y dramodydd Tracy Harris, y cynhyrchydd Matt Eaton, a’r bardd Owain Rhys, enillydd Coron yr Eisteddfod.

Bu Media Cymru, sy’n cefnogi ymchwil, datblygu ac arloesi Outernet ar draws y sectorau ffilm, teledu, gemau a chyfryngau trochi, yn partneru ag Outernet London yn 2025 i ariannu prosiectau creadigol beiddgar ar gyfer un o amgylcheddau cyfryngau amser real mwyaf datblygedig y byd. Dewiswyd Artio fel un o ddau brosiect a gynlluniwyd i wthio ffiniau creadigol a thechnegol wrth arddangos dyfodol adrodd straeon Cymreig.

Marchnad Drochol Cannes 2026

Mae’r Farchnad Drochol — a lansiwyd yn 2025 — yn blatfform rhyngwladol penodol ar gyfer prosiectau sy’n archwilio adrodd straeon gofodol, gan gynnwys XR, AI, mapio fideo a sain drochol. Mae’n cysylltu cynhyrchwyr, dosbarthwyr ac arddangoswyr sy’n chwilio am ffurfiau newydd ar brofiadau lleoliad-benodol y tu hwnt i sinema draddodiadol.

Bydd Artio yn cael ei gyflwyno fel rhan o’r rhaglen swyddogol:

• Dyddiad: 15 Mai 2026
• Amser: 11:20 – 12:20
• Lleoliad: Gwesty Carlton Cannes, La Croisette

Llwyfan ar gyfer Dyfodol Adrodd Straeon Cymreig

Mae’r dewis yn nodi carreg filltir bwysig i Artio gan symud ymlaen o ymchwilio a datblygu i gynnal trafodaethau rhyngwladol ynghylch arddangos a dosbarthu. Mae’r prosiect yn dangos sut y gall adrodd straeon drwy gerddoriaeth, cyfryngau cynhyrchiol a rhyngweithio cynulleidfa gyfuno i greu profiadau trochi ar gyfer lleoliadau ledled y byd. Yn dilyn y cyflwyniad yn Cannes, bydd y tîm yn symud i’r cam nesaf — ehangu Artio fel profiad trochi teithiol a gosod y sylfeini ar gyfer cyfres ehangach o weithiau wedi’u gwreiddio mewn myth, ecoleg a lle.