Lansio Cronfa Ddatblygu 2025

Oes gennych chi syniad am gynnyrch, gwasanaeth neu brofiad sy’n seiliedig ar arloesedd yn y sector cyfryngau? Os felly, gallech chi wneud cais am hyd at £50,000 o Gronfa Ddatblygu Media Cymru. 

Yn y digwyddiad hwn, byddwch chi’n:

• Dysgu am y gronfa ymchwil a datblygu (R&D) newydd, gan gynnwys manylion am sgôp a chymhwysedd y gronfa a’r broses ymgeisio
• Clywed gan brosiectau ymchwil a datblygu blaenorol Cronfa Ddatblygu Media Cymru
• Cael cyfle i ofyn cwestiynau a thrafod y gronfa gydag aelodau o dîm Media Cymru neu brosiectau a ariannwyd yn flaenorol
• Cysylltu a rhwydweithio â phobl a chwmnïau sy’n gweithio ar draws y sector cyfryngau yng Nghymru.

Bydd lluniaeth ar gael.

Gwybodaeth am Gronfa Ddatblygu Media Cymru  

Mae Cronfa Ddatblygu Media Cymru yn galluogi unigolion a chwmnïau yng Nghymru i wneud cais am rhwng £10,000 a £50,000 ar gyfer prosiectau ymchwil a datblygu arloesol gyda chynnyrch, gwasanaethau a phrofiadau yn y sector cyfryngau.