Mae Maisie Williams a Lowri Roberts: Ymgyrchu a Chreadigrwydd yn Dyn Gwyrdd 

Bydd cyd-sylfaenwyr Rapt Pictures, Maisie Williams (Game of Thrones, Doctor Who) a Lowri Roberts yn trafod ymgyrchu, creadigrwydd ac adrodd straeon am yr hinsawdd yng Ngŵyl y Dyn Gwyrdd 2026.  

Gan dynnu ar eu hymdrechion i ysgogi newid amgylcheddol cadarnhaol, bydd y ddwy yn wynebu realiti anhrefnus ceisio gwneud daioni mewn byd amherffaith. Drwy straeon gonest a didwyll, camgymeriadau a gwersi a ddysgwyd, maen nhw’n gofyn cwestiwn sylfaenol: a yw hi’n well ymdrechu a gwneud pethau’n anghywir neu beidio ag ymdrechu o gwbl? Mae’r sgwrs yn annog ymgyrchu yn hytrach na pherffeithrwydd, gan ddathlu grym ‘rhowch gynnig arni’.   

Byddan nhw’n myfyrio ar yr ymchwil a’r datblygu a wnaed ar gyfer eu ffilm, The One Percent, a gyllidwyd gan Media Cymru a Gwyrddio’r Sgrîn Ffilm Cymru.  

One Percent (Nora’s Ark gynt): Lowri Roberts a Maisie Williams, Rapt Pictures   

Ffilm nodwedd gadarnhaol am yr hinsawdd sy’n dangos diwedd y byd bron iawn lle mae’r Ddaear yn dirywio, ond ymddengys llong i achub 1% o’r bobl yn y DU. Does gan arian nac enwogrwydd ddylanwad, yn hytrach sgiliau llaw a dyfeisgarwch yw’r rhinweddau mwyaf gwerthfawr.   

Nod Rapt yw targedu cynulleidfaoedd ag ychydig o ddiddordeb yn yr argyfwng hinsawdd er mwyn dangos iddyn nhw bod ganddyn nhw rym a’r gallu i wneud gwahaniaeth. Byddan nhw’n arolygu ac yn astudio demograffeg y sbectrwm gwleidyddol, gan ymchwilio i’r graddau maen nhw’n ymwneud â pholisïau hinsawdd a’r hyn y maen nhw eisiau ei weld a’i deimlo yn sgil gwylio ffilmiau.       

Dyma’r hyn a ddywedodd yr awduron Lowri Roberts a Maisie Williams “Mae cael adborth gan y gynulleidfa ar hyn o bryd yn ffordd newydd o weithio inni, ac mae’n amhrisiadwy. Rydyn ni’n gyfarwydd ag adborth gan bobl eraill sy’n gweithio ym myd ffilm, ond mae gwrando ar gynulleidfaoedd yn uniongyrchol yn ein helpu i osgoi gwrando ar siambr adlais.”  

Cefnogodd y gronfa atebion i heriau gwyrdd yn y byd ffilmiau yn ogystal ag ehangu cynnyrch, gwasanaethau a phrosesau cynaliadwy.   

I gael gwybod am ganlyniadau Gwyrddio’r Sgrîn, gan gynnwys prosiect Maisie a Lowri, ymunwch â ni yn PLAYBACK – gŵyl arloesi Media Cymru – fis Medi eleni. Yn y digwyddiad o bwys hwn dros ddau ddiwrnod bydd sgyrsiau, paneli a phrofiadau trochol. Mae tocynnau ar gael nawr.