Amrywiaeth ym maes Cynhyrchu Teledu

Beth yw Amrywiaeth ym maes Cynhyrchu Teledu yn Ne Cymru?

Bwriad y prosiect hwn yw gwella amrywiaeth ym maes cynhyrchu teledu yn Ne Cymru trwy recriwtio gweithlu sy’n fwy cynrychioliadol o’n cymdeithas gan ganolbwyntio ar ddosbarth, hil ac anabledd.   

Mae Channel 4 yn:  

• Gweithio gyda doniau yng Nghymru er mwyn herio a gwella eu ffyrdd o weithio  
• Buddsoddi mewn sgiliau a chyfleoedd hyfforddiant i doniau yng Nghymru o ran datblygu sector mwy hygyrch a chynhwysol 
• Comisiynu cynnwys arloesol newydd sy’n cynrychioli pobl a straeon Cymru.   

Canolfan Ddarlledu Cymru – ffrydio'n fyw o Gaerdydd yn ystod y gemau Paralympaidd  

Ar y cyd â Gemau Paralympaidd 2024, roedd Channel 4 a Media Cymru wedi cefnogi’r cwmni cynhyrchu Whisper i greu cyfleuster cynhyrchu o bell cynhwysol a chynaliadwy yng Nghaerdydd. Fe wnaeth Channel 4 ffrydio mwy na 1,300 awr o gynnwys byw o’r Gemau Paralympaidd, a hynny o Ganolfan Ddarlledu Cymru newydd.    

Ar y cyd, fe wnaeth Media Cymru a Channel 4 ariannu gwaith ymchwil a datblygu ynghylch hygyrchedd mewn cynyrchiadau byw gyda The Ability People. Y gobaith yw bod yn astudiaeth achos i gyfleusterau technegol eraill ei defnyddio fel arfer gorau ac i rannu canfyddiadau.