Cronfa Gwyrddu'r Sgrîn

Darparu atebion i heriau cynaliadwyedd yn y diwydiant sgrin.

Beth yw Cronfa Gwyrddu'r Sgrîn?

Bydd y prosiect hwn yn ehangu ar ymdrechion cynaliadwyedd presennol Ffilm Cymru fel rhan o’u rhaglen gyffredinol Cymru Werdd. Trwy gyllid arloesedd, bydd y prosiect yn darparu atebion i heriau gwyrdd yn y diwydiant sgrin ac yn cefnogi’r gwaith o ehangu cynhyrchion, gwasanaethau a phrosesau cynaliadwy.

Bydd Cymru Werdd yn creu ymrwymiad i newid cadarnhaol trwy godi ymwybyddiaeth amgylcheddol a gwella gwybodaeth a dealltwriaeth o weithio sgrin cynaliadwy.

Cronfa Gwyrddu’r Sgrîn

Gwahoddir busnesau a gweithwyr llawrydd sy’n effro i’r hinsawdd i wneud cais am hyd at £50,000, a hynny er mwyn ymchwil a datblygu (Y&D) syniadau am atebion cynaliadwy i heriau zero net a datgarboneiddio’r sector sgrîn yng Nghymru.

Cwmpas

Mae gennym ddiddordeb arbennig yn y canlynol:

Symud i ynni adnewyddadwy mewn stiwdios, swyddfeydd a thai ôl-gynhyrchu, cael gwared yn raddol ar ddiesel ar gyfer generaduron a manteisio i’r eithaf ar effeithlonrwydd ynni ar setiau a lleoliadau.
Ailfeddwl trafnidiaeth drwy fapio’r her, cael gwared ar gerbydau diesel, lleihau teithio a symud dulliau teithio i’r rhai sy’n defnyddio ynni adnewyddadwy.
Dull cylchol o fynd i’r afael â deunyddiau a gwastraff bwyd drwy fonitro gwell i leihau gwastraff, blaenoriaethu cyflenwyr lleol ac opsiynau carbon isel ac ailddefnyddio deunyddiau ac asedau cynhyrchu.
Casglu gwybodaeth a chydweithio, gan gynnwys asesu cynaliadwyedd asedau a ddefnyddir wrth gynhyrchu, cymorth i gyflenwyr gwyrdd a chreu cyllidebau carbon ar gyfer cynhyrchu.
Gosod a gwrthbwyso modelau busnes.

Nid yw’r Gronfa Sbarduno’n addas ar gyfer:

Creu cynnwys (er enghraifft, ffilmiau byr, ffilmiau a phenodau peilot)
Comisiynau celf untro
Astudiaethau dichonoldeb
Datblygu ap
Datblygu hydrogen symudol
Comisiynu gweithgareddau busnes fel arfer, er enghraifft datrysiad cynaliadwy newydd nad oes ganddo fantais arloesol i’r ffordd y mae eich cwmni fel arfer yn mynd i’r afael â phrosiectau newydd
Ceisiadau nad oes ganddynt dystiolaeth bod disgwyl i’r arloesedd arfaethedig arwain at effaith economaidd sylweddol a chadarnhaol
Ceisiadau nad oes ganddynt ymchwil a datblygu neu arloesedd.

Bydd gan yr ymgeiswyr llwyddiannus deuddeg mis i gwblhau eu gwaith ymchwil a datblygu, gyda chymorth ein partneriaid consortiwm Ffilm cymru Wales.

Beth yw Ymchwil a Datblygu?

Diffinnir gweithgareddau Ymchwil a Datblygu fel gwaith creadigol a systematig a wneir i fynd i’r afael â heriau ac i greu cynhyrchion, gwasanaethau, prosesau neu brofiadau newydd neu well. Dysgwch fwy am Ymchwil a Datblygu mewn cyd-destun cyfryngau.

Hygyrchedd

Os oes gennych chi ofynion penodol a fyddai’n gwneud y broses ymgeisio’n fwy hygyrch (fel cyngor, cymorth ysgrifennu neu gymorth darllen), neu os hoffech chi drafod fformatau eraill (fideo neu sain, naratif llais, ffont mawr, testun plaen neu iaith arall), ewch ati i ebostio media.cymru@caerdydd.ac.uk neu ffonio 02922 511 434.

Broses ymgeisio

Nodwch, rhaid cyflwyno ceisiadau trwy’r ffurflen ar-lein. Sicrhewch eich bod wedi darllen y nodiadau canllaw cyn gwneud cais.

Ceisiadau yn agor: Dydd Llyn 20 Mai 2024, hanner dydd.
Cyfnod ymgeisio’n dod i ben: Dydd Gwener 28 Mehefin 2024, noon

Lawrlwytho nodiadau canllaw

Cais…