Gwerthuso Cyflwyniad Darlledwr Cyhoeddus Gaeleg yr Alban, BBC Alba

Cyhoeddwyd fel: Willis, C. & Uribe-Jongbloed, E. (2024). Evaluating the introduction of Scottish Gaelic public broadcaster BBC Alba. Treatises and Documents: Journal of Ethnic Studies, 93, 81-103. https://doi.org/10.2478/tdjes-2024-0013

Mae’r erthygl yn gwerthuso’r penderfyniad polisi i sefydlu BBC Alba a darparu gwasanaeth cyhoeddus ar gyfer siaradwyr Gaeleg yr Alban, gan ganolbwyntio ar wahanol nodau a mandadau ei ddau gyllidwr – y BBC ac MG Alba. Gan ddefnyddio fframwaith rhesymegol, rydym yn archwilio’r nodau a’r strategaeth y mae BBC Alba wedi’u defnyddio yng nghyd-destun ei dau brif grŵp o ran cynulleidfa: y gymuned Aeleg ei hiaith graidd a’r gynulleidfa ehangach yn yr Alban. Rydym yn defnyddio data o adroddiadau blynyddol, gan gynnwys maint y gynulleidfa, nifer y ffrydiau ar-lein, a boddhad y gynulleidfa.

Mae ein dadansoddiad yn awgrymu, er bod y nodau a nodwyd wedi’u cyflawni i raddau helaeth, bod y nodau gwreiddiol wedi’u gogwyddo tuag at y gymuned ehangach yn hytrach na chyfrannu at gynnal / adfywio’r iaith. Rydym yn cynnig awgrymiadau ar sut y gellid addasu’r mewnbynnau a’r allbynnau i wella effaith y polisi ar siaradwyr Gaeleg yr Alban. Daethom i’r casgliad bod effaith BBC Alba wedi bod yn fwy llwyddiannus gyda chynulleidfa ehangach yn yr Alban nag y bu gyda’r gymuned Aeleg ei hiaith graidd.

Darllenwch yr erthygl