Cynnyrch y Cyfryngau a Diwylliant yn Teithio – Trawsddygiad Diwylliannol

“Mae’r fframwaith trawsnewid diwylliannol … yn cynnig adnodd i ddadansoddi’r marchnadoedd, cynhyrchion, pobl a phrosesau sy’n galluogi neu’n cyfyngu ar symud cynhyrchion ar draws ffiniau ar gyfer y rheini sydd â diddordeb yn yr agweddau ymarferol sy’n sail i drafod a thrawsnewid cynhyrchion sy’n cael eu rhoi ar waith yn lleoliadau amrywiol y farchnad ddiwylliannol.”

Mae’r llyfr hwn yn cyflwyno’r fframwaith Trawsddygiad Diwylliannol fel adnodd cysyniadol i ddeall y prosesau y mae cynnyrch y cyfryngau a diwylliant yn mynd rhagddynt wrth groesi ffiniau diwylliannol a chenedlaethol.

Gan ddefnyddio cyfres o enghreifftiau o ddiwylliant poblogaidd, gan gynnwys ffilmiau, cyfresi teledu, gemau fideo, memes a chynhyrchion digidol eraill, mae’r llyfr hwn yn cynnig dealltwriaeth ehangach i’r darllenwr o’r gweithdrefnau, y diddordebau, rolau, y tybiaethau a’r heriau sy’n meithrin neu’n rhwystro cynnyrch y cyfryngau a diwylliant rhag teithio. Mae’r llyfr, sy’n cyfuno cyfres o astudiaethau achos, dadleuon damcaniaethol ac enghreifftiau rhyngwladol mewn un naratif, yn edrych ar nifer o ryngweithiadau a thrawsnewidiadau sydd wedi’u galluogi gan fasnach y cyfryngau traddodiadol a’r rhyngrwyd. Mae’n myfyrio ar gynnydd nwyddau diwylliannol yn croesi ffiniau rhanbarthol, cenedlaethol a rhyngwladol ar ffurf gemau fideo a theledu, drwy lwyfannau rhannu cerddoriaeth a fideo neu drwy rwydweithiau cyfryngau cymdeithasol digidol, i amlygu trafodaethau am rinweddau cynhyrchu digidol trosffiniol.

Darllenwch mwy

Gwyliwch gyfweliad gyda’r awdur: