Mae Greg Mothersdale yn Gynhyrchydd Ymchwil a Datblygu ar gyfer Media Cymru, sy’n arwain ar ein gwerth Gwyrdd. Yn ystod Wythnos Hinsawdd Cymru, mae’n rhannu’r gweithgarwch cadarnhaol sy’n digwydd yng Nghymru tuag at adeiladu sector cyfryngau mwy cynaliadwy.  

Rusty Design: Propiau Parod at y Dyfodol – Arloesi cynaliadwy ar gyfer y Diwydiannau Creadigol

Mae Rusty Design yn gwmni peirianneg arloesol. Maent wedi symud ymlaen trwy Ffrwd Arloesedd Media Cymru – gan ddechrau gyda chyllid sbarduno, symud ymlaen i Ddatblygu ac yna ymlaen i Uwchraddio.  

Maent wedi dangos eu hymrwymiad i ddatblygu propiau yn gynaliadwy, yn ffisegol ac yn rhithwir. Mae gweld eu sgiliau peirianneg yn datrys heriau yn y sector creadigol, a thu hwnt, wedi bod yn ysbrydoledig.

Bwriad y cwmni cynhyrchu ffilm a fideo, On Par, yw chwyldroi gwneud ffilmiau yng Nghymru drwy ddatblygu Gwasanaethau Cynhyrchu Rhithwir cynaliadwy, gan leihau allyriadau carbon.  

Mae On Par wedi bod yn cydweithio â phrosiectau eraill Media Cymru – gan saethu fideo prawf yn stiwdios fivefold, yn cynnwys car Fformiwla Un wedi’i argraffu ar ffurf 3D, a wnaed gan Rusty Design. Mae cymaint o agweddau positif ar ffilmio mewn un lleoliad stiwdio, er enghraifft bod y saethu’n cael ei baratoi’n well, mae’n fwy hygyrch ac mae llai o risgiau fel oedi oherwydd tywydd gwael, neu gymhlethdodau logistaidd saethu ar aml-leoliad. 

Fe wnaeth Afanti lansio Afango yn Eisteddfod yr Urdd eleni. Llwyddodd eu menter sero net newydd i bweru eu cynhyrchiad, ar gyfer S4C, drwy eneraduron hydrogen a oedd yn defnyddio hydrogen gwyrdd Cymreig, systemau batri datblygedig, seilwaith gwefru symudol ar gyfer cerbydau trydan, ac olew llysiau wedi’i drin â dŵr (HVO biodanwydd) o ffynonellau cyfrifol. 

Mae Stiwdio Blaidd Cymru wedi bod yn gweithio gydag arbenigwyr i gwblhau archwiliad llawn o’u hadeilad a gosod a threialu amrywiaeth o wahanol gymwysiadau a thechnolegau i leihau ac ailgylchu dŵr. Maent yn gobeithio dylanwadu ar y diwylliant defnydd a lleihau ôl troed carbon y safle.  

Hyd yn hyn, mae gweithredu newidiadau syml wedi arwain at ostyngiad o 23% mewn defnydd (sy’n cyfateb i 1.1 miliwn litr o ddŵr) yn y flwyddyn hyd at 31 Mawrth 2025 o gymharu â’r un cyfnod yn 2023-2024. Gwyliwch gyflwyniad am y prosiect – diolch i Environment Platform Wales am ei gynnal.  

Fe wnaethom weithio mewn partneriaeth â BBC Cymru Wales, gan ariannu pum cwmni ymchwilio a datblygu syniadau sy’n adrodd straeon arloesol am yr argyfwng hinsawdd, ar gyfer y teledu ac iplayer. Mae’r cwmnïau y dyfarnwyd arian iddynt yn cynnwys: 

Gallwch ddarllen rhagor am y prosiectau hyn yma. 

Dysgwch fwy am y prosiectau a ddewiswyd.

Roedd gan y ddau brosiect hyn sy’n canolbwyntio ar gynnwys gyfraniadau treiddgar gan arbenigwyr hinsawdd, yn ogystal ag amser a chefnogaeth neilltuedig, i ddatblygu cysyniadau naratif sy’n gwreiddio stori’r hinsawdd yn y gweithredu. Rwy’n edrych ymlaen yn eiddgar at weld sut mae cysyniadau creadigol o’r prosiectau hyn yn arwain at syniadau ar ein sgriniau yn y dyfodol.

Dan arweiniad Prifysgol De Cymru, mae Rhaglen Sgiliau a Hyfforddiant Media Cymru yn cysylltu addysg, diwydiant a seilwaith i adeiladu sylfaen gynaliadwy o ddoniau ar gyfer sector sgrîn y rhanbarth. 

Mae’r rhaglen hon yn datblygu sylfaen gynaliadwy o ddoniau trwy gyrsiau hyfforddi cydlynwyr cynaliadwyedd newydd sbon, o’r radd flaenaf, ar gyfer y teledu, sy’n arwain at leoliadau mewn cynyrchiadau.  

Roedd hyfforddiant ‘Greenlancer’, a gyflwynwyd gan Picture Zero, yn ganllaw diddorol a syml i sut y gall gweithwyr llawrydd ganolbwyntio’n fwy ar yr amgylchedd a bod yn fwy craff yn ariannol, ar lefel bersonol iawn. 

Yn Creative Cuppa, mewn cydweithrediad â Caerdydd Creadigol, fe wnaethom gynnal digwyddiadau i hyrwyddo ymarfer cynaliadwy yn y sector creadigol yng Nghymru.  

Fe wnaeth y digwyddiad gynnwys Hope Solutions, sef ymgynghorwyr cynaliadwyedd sy’n gweithio’n flaenllaw ym maes gweithredu ar yr hinsawdd yn y cyfryngau a’r diwydiannau adloniant, cerddoriaeth a diwylliannol, gyda gwyliau ac artistiaid fel Glastonbury a Coldplay.  

Cyn hyn, cafwyd sesiwn hyfforddi Greenlancer gan Picture Zero, sydd wedi gweithio ar Jurassic Park Rebirth a The People vs Climate Change. 

Dathlodd Ffilm Cymru Wales, Media Cymru a PDR arloesiadau Gwyrddio’r Sgrîn a mwynhau rhagolwg o ffilm Straeon Hinsawdd o Butetown.  

Mae Media Cymru wedi cefnogi mwy na 30 o brosiectau arloesi y mae gwella effaith amgylcheddol y sector cyfryngau yng Nghymru, drwy ddatblygu cynhyrchion, gwasanaethau, prosesau a chynnwys newydd, yn brif amcanion iddynt.

Mae llawer o’r rhain yn mynd i’r afael â’r argymhellion yng Nghynllun Trawsnewid Bargen Newydd y Sgrîn i Gymru, a luniwyd gan y Sefydliad Ffilm Prydeinig (BFI), BAFTA Albert ac ARUP, mewn cydweithrediad â Media Cymru, Ffilm Cymru Wales a Chymru Greadigol.

Mae negeseuon allweddol y cynllun yn cynnwys:

Gallwch ddarllen mwy am y negeseuon hyn a’r argymhellion ar ein gwefan.